ଧର୍ମଶାଳା CHC ରେ ନର୍ସିଙ୍ଗ୍ ଅଫିସରଙ୍କ ସହ ଅଭଦ୍ର ବ୍ୟବହାର ଓ ଭିଡିଓ ଶୁଟିଂ ଅଭିଯୋଗ
ତଦନ୍ତ ପାଇଁ ଥାନାକୁ ଅଭିଯୋଗ ପତ୍ର
ଧର୍ମଶାଳା, ଯାଜପୁର – ଧର୍ମଶାଳା ସମୁଦାୟ ସ୍ୱାସ୍ଥ୍ୟ କେନ୍ଦ୍ର (CHC) ରେ ନର୍ସିଙ୍ଗ୍ ଅଫିସରମାନଙ୍କ ସହ ଅଭଦ୍ର ବ୍ୟବହାର ଓ କାର୍ଯ୍ୟାଳୟ ଭିତରେ ଭିଡିଓ ଶୁଟିଂ ହେବାକୁ ନେଇ ଗୁରୁତର ଅଭିଯୋଗ ଉଠିଛି। ଏହି ଘଟଣା ସମ୍ବନ୍ଧରେ CHC ର ମେଡିକାଲ୍ ଅଫିସର ଇଞ୍ଚାର୍ଜଙ୍କ ପକ୍ଷରୁ ଧର୍ମଶାଳା ଥାନା IIC କୁ ଏକ ପତ୍ର ପଠାଯାଇଛି।
ପତ୍ର ଅନୁସାରେ, ୦୯/୧୨/୨୦୨୫ ତାରିଖ ଦୁପର ୧ଟା ସମୟରେ ଚାରିଜଣ ନର୍ସିଙ୍ଗ୍ ଅଫିସର – ରଶ୍ମି ସାହୁ, ବିନୋଦିନୀ ରାଉତ, ତପସ୍ୱିନୀ ପାଳ ଓ ଧୃତିରେଖା ସାହୁ ସହ ଏକ ଅଟେଣ୍ଡାଣ୍ଟ ମଗୁଣି ଚରଣ ମାଲିକ – ମିଶି ଲେଖିତ ଅଭିଯୋଗ ଦେଇଛନ୍ତି।
ଅଭିଯୋଗରେ କୁହାଯାଇଛି ଯେ, ମନସ ମହାନ୍ତି ଓ ସୌମ୍ୟ ପ୍ରକାଶ ବିଶ୍ୱାଳ ନାମକ ବ୍ୟକ୍ତିମାନେ ଦିନ ୧୨.୩୦ରେ ନର୍ସିଙ୍ଗ୍ ସ୍ଟେସନ୍ରେ ଅସଭ୍ୟ ଆଚରଣ କରିବା ସହିତ କାର୍ଯ୍ୟାଳୟ ଭିତରେ ଅନୁଚିତ ଭାବେ ଭିଡିଓ ଶୁଟିଂ କରୁଥିଲେ। ଏହାକୁ ଗୁରୁତ୍ୱର ସହିତ ନେଇ ମେଡିକାଲ୍ ଅଫିସର I/C ଥାନାକୁ ପତ୍ର ଲେଖି ତଦନ୍ତ ଓ ଆବଶ୍ୟକ କାର୍ଯ୍ୟାନୁଷ୍ଠାନ ନେବାକୁ ଅନୁରୋଧ କରିଛନ୍ତି।
ପତ୍ରର ଏକ ସତ୍ୟପାୟୀ କପି ଧର୍ମଶାଳା ପୋଲିସ୍ ଥାନା ଦ୍ୱାରା ୦୯/୧୨/୨୦୨୫ରେ ଗ୍ରହଣ କରାଯାଇଥିବା ଉଲ୍ଲେଖ ରହିଛି।
