ଓପିଆରବି ପରୀକ୍ଷା ପ୍ରଶ୍ନପତ୍ର ଲିକ୍ ମାମଲାରେ ବଡ଼ ଖୁଲାସା

ଭୁବନେଶ୍ୱର, ୪ ଅକ୍ଟୋବର (କଳିଙ୍ଗ ୭ ନୀୟୂଜ୍):ଓପିଆରବି ଦ୍ୱାରା ଆୟୋଜିତ ପୋଲିସ ସବ୍-ଇନସ୍ପେକ୍ଟର ଓ ସମାନ ପଦବୀ ପାଇଁ ହୋଇଥିବା ପରୀକ୍ଷା ପ୍ରଶ୍ନପତ୍ର ଲିକ୍ ମାମଲାରେ ଏବେ ବଡ଼ ଖୁଲାସା। ସିଆଇଡି କ୍ରାଇମବ୍ରାଞ୍ଚ ତଦନ୍ତରେ ଚିହ୍ନଟ କରିଛି ଯେ ଏକ ସୁଯୋଜିତ ଅପରାଧିକ ଚକ୍ର ପରୀକ୍ଷା ପ୍ରକ୍ରିୟାକୁ ବିକୃତ କରି ଅର୍ଥ ଉପାର୍ଜନ କରୁଥିଲା। ଏହି ଚକ୍ର ସହ ଜଡିତ ବିଶ୍ୱରଞ୍ଜନ ବେହେରା, ବୟସ ୨୯, ବିଦ୍ୟାଧରପୁର, ବାରଙ୍ଗ, କଟକ ଜିଲ୍ଲାର ନିବାସୀ, ମୁଖ୍ୟ ନେତାଙ୍କ ନିର୍ଦ୍ଦେଶରେ ଚାଲି, ପରୀକ୍ଷାରେ ଅଂଶଗ୍ରହଣ କରୁଥିବା ପ୍ରାର୍ଥୀମାନଙ୍କ ସହିତ ଯୋଗାଯୋଗ କରୁଥିଲେ। ସେ ପ୍ରଶ୍ନପତ୍ର ଯୋଗାଇ ଦେବା ଆଶ୍ୱାସନ ଦେଇ, ସେମାନଙ୍କ ପାଖରୁ ମୂଳ ସର୍ଟିଫିକେଟ ଓ ଖାଲି ଚେକ୍ ଗ୍ରହଣ କରୁଥିଲେ। ତଦନ୍ତ ସମୟରେ ସିଆଇଡି ତାଙ୍କଠାରୁ ଅନେକ ଅପରାଧ ସମ୍ପର୍କିତ ପ୍ରମାଣ ସାମଗ୍ରୀ ଜବତ କରିଛି। ତାଙ୍କୁ ୩ ଅକ୍ଟୋବରରେ ଗିରଫ କରି, ଆଜି ୪ ଅକ୍ଟୋବର ତାରିଖରେ ବେରହମ୍ପୁର ଜେଏମଏଫସି କଗ୍ନିଜାନ୍ସ ଟେକିଂ ଅଦାଲତରେ ହାଜର କରାଯାଇଛି। ଏହି ମାମଲା ସହିତ ସମ୍ପୃକ୍ତ ୧୧୭ ଅଭିଯୁକ୍ତଙ୍କୁ ପୂର୍ବରୁ ଗିରଫ କରାଯାଇଛି।
ମୁଖ୍ୟ ଚକ୍ରନାୟକମାନଙ୍କୁ ଗିରଫ କରିବା ପାଇଁ ସିଆଇଡି-କ୍ରାଇମ ବ୍ରାଞ୍ଚ ତରଫରୁ ଅନେକ ଦଳ ଦ୍ୱାରା ତଦନ୍ତ ଜାରି ରହିଛି।