୫.୫୬ କୋଟି ଟଙ୍କା ପେନ୍ସନ ଠକେଇ ମାମଲାରେ ପ୍ରଦୀପ ମହାନ୍ତି ଓ ପତ୍ନୀ ଗିରଫ

ପେନ୍ସନ ଠକେଇ ମାମଲାରେ ମୁଖ୍ୟ ଅଭିଯୁକ୍ତ ଗିରଫ

ପେନ୍ସନ ଠକେଇ ମାମଲାରେ ବଡ଼ ସଫଳତା। ଦୀର୍ଘଦିନ ଧରି ପଳାତକ ଥିବା ମୁଖ୍ୟ ଅଭିଯୁକ୍ତଙ୍କୁ ଧରିଲା ଓଡ଼ିଶା ଭିଜିଲାନ୍ସ।୫.୫୬ କୋଟି ଟଙ୍କାର ପେନ୍ସନ ଅନିୟମିତତା ମାମଲାରେ ମୁଖ୍ୟ ଅଭିଯୁକ୍ତ ପ୍ରଦୀପ କୁମାର ମହାନ୍ତି (ଅବସରପ୍ରାପ୍ତ ମୁଖ୍ୟଶିକ୍ଷକ), ଯିଏ ଅବସର ପରେ ବିଇଓ କାର୍ଯ୍ୟାଳୟରେ ପୁନର୍ନିଯୁକ୍ତ ହୋଇଥିଲେ, ସେଙ୍କୁ ସହିତ ତାଙ୍କ ପତ୍ନୀ ଗୀତାରାଣୀ ମହାନ୍ତିଙ୍କୁ ଓଡ଼ିଶା ଭିଜିଲାନ୍ସ ଦଳ ଆଜି ଭୋର ସମୟରେ ଗିରଫ କରିଛି।ଏହି ଦୁଇ ଅଭିଯୁକ୍ତ ଦୀର୍ଘଦିନ ଧରି ଓଡ଼ିଶା ଓ ପଶ୍ଚିମବଙ୍ଗର ବିଭିନ୍ନ ସ୍ଥାନରେ ଲୁଚିଥିବା ସୂଚନା ମିଳିଥିଲା। ସେମାନେ ଶେଷଥର ପାଇଁ କୋଲକାତାରେ ଲୁଚିଥିବା ସନ୍ଦେହ ଥିବାରୁ ଓଡ଼ିଶା ଭିଜିଲାନ୍ସ ଦଳ ସେଠାରେ ଚଢ଼ାଉ କରିଥିଲା। ତେବେ ପୋଲିସ ଚଢ଼ାଉର ସୂଚନା ପାଇ ସେମାନେ ଗତକାଲି ରାତିରେ କୋଲକାତା ଛାଡ଼ି ଭଦ୍ରକ ଜିଲ୍ଲାର ଚରମ୍ପା ଅଞ୍ଚଳର ଏକ ହୋଟେଲରେ ଲୁଚିଥିଲେ। ଆଜି ଭୋରେ ସେଠାରୁ ଭିଜିଲାନ୍ସ ଦଳ ସେମାନଙ୍କୁ ଧରିବାରେ ସଫଳ ହୋଇଛି। ବର୍ତ୍ତମାନ ସେମାନଙ୍କୁ ମାମଲାରେ ପଚରାଉଚାର କରାଯାଉଛି। ତଦନ୍ତରୁ ଜଣାପଡ଼ିଛି ଯେ, ଠକେଇ ହୋଇଥିବା ଟଙ୍କା ପ୍ରଦୀପ ମହାନ୍ତି, ତାଙ୍କ ପତ୍ନୀ ଓ ପୁଅ ମାତୃପ୍ରସାଦ ମହାନ୍ତି (ଯିଏ ଗତକାଲି ଗିରଫ ହୋଇଥିଲେ) ସହିତ ଅନ୍ୟମାନଙ୍କ ବ୍ୟକ୍ତିଗତ ଖାତାକୁ ସ୍ଥାନାନ୍ତର କରାଯାଇଥିଲା। ଏହି ମାମଲାରେ ତଦନ୍ତ ଜାରି ରହିଛି।